Жобалық тапсырмалар оқушылардың функционалдық сауаттылығын дамыту құралы ретінде

Аннотация

Мақалада функционалдық сауаттылықты қалыптастыруға ықпал ететін сыни ойлау, проблемаларды шешу, креативтілік, ақпаратпен жұмыс істеу дағдылары және командада жұмыс істей білу сияқты білім алушылардың негізгі құзыреттерін дамытуға бағытталған аспектілерінің ретінде жобалық тапсырмалардың рөлі қарастырылады. «Ғылыми конкурс», «ғылыми жоба», «жобалық жұмыс», «жобалық тапсырма» ұғымдарының өзара байланысы және олардың иерархиясы, жобалық тапсырмалардың түрлері, олардың білім деңгейіне байланысты айырмашылықтары, әртүрлі деңгейдегі жобалық тапсырмаларды орындау ерекшеліктері, жобалық тапсырмаларды құрастыру құрылымы қарастырылады. Сондай-ақ математикадан жобалық тапсырмалардың үлгілері келтірілген. Сонымен қатар, мақалада математика мұғалімдері арасында өткізілген «Жобалық тапсырмалар оқушылардың функционалдық сауаттылығын дамыту құралы ретінде» тақырыбындағы сауалнама нәтижелері келтірілген.