Gamification as one of the ways to develop soft skills of high school students

Аннотация

Бұл зерттеу жұмысы жоғарғы сынып оқушыларының soft skills (жеке құзыреттер) дамуына бағытталған білім беру үдерісін ойын әдістерімен жетілдірудің психологиялық-педагогикалық моделін әзірлеуге және оның тәжірибелік негіздемесіне арналған. Қазіргі мектеп жағдайында коммуникация, ұйымдастырушылық қабілеттер, күйзеліске төзімділік, өзін-өзі бағалау мен топта жұмыс істеу сияқты метапәндік құзыреттерді қалыптастыруға ықпал ететін инновациялық тәсілдерді біріктіру қажеттілігі барған сайын айқындалып келеді. Зерттеуде ойын элементтерін қолдану білім алушылардың белсенділігін және мотивациясын арттыратын, сонымен қатар танымдық және тұлғалық дамуын ынталандыратын тиімді әдіс ретінде қарастырылады. Зерттеудің әдіснамалық негізі сандық және сапалық әдістер жиынтығын қамтиды: әдебиеттерге шолу, педагогикалық бақылау, сұхбат, модельдеу және психодиагностикалық тестілеумен қатар жүргізілген педагогикалық эксперимент. Экспериментке екі топ: тәжірибелік және бақылау топтары қатысты, мақсат — білім беру ортасына ойын элементтері енгізілгеннен кейін soft skills даму деңгейіндегі өзгерістерді анықтау.  Нәтижелер тәжірибелік топтағы оқушылардың негізгі жеке құзыреттерінің дамуы бақылау тобымен салыстырғанда едәуір жақсарғанын көрсетті. Коммуникативтік және ұйымдастырушылық қабілеттердің артуы, өзін-өзі бағалаудың дұрысталуы, эмоционалдық тұрақтылықтың жақсаруы байқалды.  Әзірленген геймификация моделі икемділігімен, оқу пәндеріне және оқушылардың жас ерекшеліктеріне бейімделе алуымен, сондай-ақ мұғалімдердің бағалау және қолдау процесіне белсенді қатысуымен ерекшеленеді. Бұл модельді қоғамдық-гуманитарлық және жаратылыстану ғылымдары пәндеріне тиімді түрде енгізуге болады.