Analysis of world practices in implementing “teaching practicum”

Аннотация

Жаңа технологиялардың дамуымен білім беруде педагог кәсібін дамыту үшін түрлі бағдарламалар жүзеге асырылуда. Педагогикалық практика – білікті мұғалімдерді даярлаудағы оқыту процесінің ең маңызды бөлігі. Педагогикалық практика мұғалімдерді аса маңызды кәсіби құзыреттіліктермен қамтамасыз етуге дайындау үшін үлкен рөл атқарады. Зерттеудің мақсаты 2022 жылғы PISA емтиханында жақсы нәтиже көрсеткен елдердің оқыту практикасы мен  Қазақстанның білім беру жүйесінде педагогикалық практика қалай жұмыс істейтінін және үдеріс пен қолдану элементтерін салыстыруға бағытталған. Бұл мақсатқа жету үшін сапалы зерттеу әдістерінің бірі феноменологиялық дизайн қолданылды. Тиісті зерттеу дизайны аясында 17 елдің мұғалімдерді оқыту жүйесі мен педагогикалық практикасы қалай өңделгені туралы деректер жиналды. Деректерді жинау процесінде негізгі және қосымша деректемелер және ресми есептер пайдаланылды. Деректерді талдауда сипаттамалық және  салыстырмалы мазмұнды талдау қолданылды. Зерттеу нәтижелеріне сәйкес, 2022 жылғы PISA емтиханында табысты болған елдер міндетті және факультативтік педагогикалық практикаларын енгізгендігі анықталды. Қазақстанда педагогикалық практика біліктілікті арттыру мектептерінің үлгісі бойынша жүзеге асырылып жатқаны, ал дүние жүзінде әртүрлі тәжірибелік үлгілер қолданылатыны байқалады. Сонымен қатар, әр елде педагогтерді дайындау процесі мен педагогикалық практикасына бөлінген уақыт әр түрлі болатыны анықталды. Осы нәтижелер аясында Қазақстан университеттерінде педагогикалық практиканы жүргізу бойынша негізгі ұсыныстар берілді.