А. Кемелбаеваның прозасын мектеп оқушыларына оқытудың өзектілігі
##plugins.pubIds.doi.readerDisplayName##:
https://doi.org/10.59941/2960-0642-2024-3-74-83Түйінді сөздер:
постмодернизм, ХХІ ғасыр әдебиеті, әдебиетті оқыту, Айгүл Кемелбаева шығармашылығы, оқыту әдістемесіАннотация
Жаһандану мен жасанды интеллект қарыштап дамып жатқан заманның жас жеткіншегінің ұлттық әдебиетке қызығушылығы төмен екені тәжірибеде дәлелденіп отыр. Себебі әдебиет – қоғамның айнасы. Оқырман туындыдан өзі өмір сүріп отырған дәуірдің, өз замандасының бейнесін қаншалықты көре алса, шығарма соншалықты тартымды болары сөзсіз. Заман секілді әдебиет те үнемі динамикада болатын құбылыс. Бүгінгі күннің жас оқырманын қызықтыратын тың туындылар жазылып жатыр, тек оларды оқыту ісі кенжелеп тұр. Зерттеу барысында алынған сауалнама мен сұхбаттасу нәтижелері бұл пікірді айғақтайды. Сондықтан ХХІ ғасыр оқырманының сұранысын қанағаттандыратын материал іріктеліп және сол материалды дұрыс оқыта білу жолға қойылуы тиіс. Мақаланың мақсаты – мектеп оқушыларының қызығушылықтарын оятатын туындыларды дүниеге әкеліп жүрген жаңа заман жазушысы Айгүл Кемелбаеваның шығармаларын талдау, мектеп бағдарламасында берілген әңгімелерін дұрыс оқытуға және талдатуға бағыт беру.