Дидактические условия организации самостоятельного обучения и самооценивания учащихся при изучении биологии

Аннотация

Бұл мақаланың мақсаты жалпы білім беретін мектепте биологияны оқу кезінде оқушылардың өздігінен білім алуын және өзін-өзі бағалауын ұйымдастырудың ең тиімді дидактикалық шарттарын анықтау болды. Зерттеуде педагогикалық эксперимент қолданылды, оның мақсаты оқушылардың білімді меңгеру бойынша өз бетінше жұмыс істеу және орындалған тапсырмаларды өзін-өзі бағалау қабілеттерін анықтау болды. Экспериментке Қызылорда қаласындағы «химия-биология» бағытындағы Назарбаев Зияткерлік мектебінің 8-сыныбының   27 оқушысы (15 қыз және 12 ұл) қатысты. Педагогикалық эксперимент өзін-өзі бағалау нәтижелері мен оқушылардың өз бетінше меңгерген оқу материалын зерттеушінің бағалауында  шамалы сәйкессіздіктер бар екенін көрсетті. Нәтижесінде оқушылардың 22%-ы оқу материалын «өте жақсы» меңгерді; «жақсы» - 44%; «қанағаттанарлық» - 34%. Зерттеу болжамы расталды – оқушылар оқу материалын өз бетінше меңгере алады, бірақ оқушылардың жеке ерекшеліктерімен анықталатын өзін-өзі бағалауды жүргізуде қиындықтарға тап болады.